講一件好少人信的事：我細個坐 Van 仔，係唔夠膽嗌「有落」的。 寧願坐過站，都開唔到口。以我今日的樣子，你話畀人聽，冇人會信。 所以每次有學員同我講「我開會唔敢出聲」，我都完全明白——因為嗰個唔敢嗌有落的細路，就係我。而我可以話你知：呢樣嘢，唔係性格判咗死刑，係一種未練過的技術。 一、唔敢開聲，原因比你想像中多 先唔好急住怪自己。唔敢喺人前開聲，背後原因好多： 有人天生內向，慣了聽多過講；有人係驚自己講錯；有人係個腦未轉到，唔知講咩好；有人純粹怕羞；亦有人係一受壓力，把聲就出唔到。 每個原因都真實，而且好多時幾樣夾埋。要講清楚一點：內向不是缺陷（我在 MBTI 一篇詳細寫過）——內向的人不是不會講，只是天生傾向想清楚才出口。呢篇講的「唔敢」，同內向係兩回事：內向係你揀聽；唔敢，係你想講但開唔到口。 而環境都有份。Google 曾經做過一個大型研究（「亞里士多德計劃」），分析過百隊團隊，發現最高效團隊的第一因素，唔係人才，唔係年資——係「心理安全感」：團隊成員敢唔敢開口、敢唔敢冒講錯的風險。 安全感低的環境，人會自動收聲、收起意見。...

網上有個長開長有的討論串：「一人一個婚禮司儀黐咗線嘅一刻」。 入面的實錄，笑到你標眼水：「有請一對乳豬進場！」「新郎，你而家可以揭起婚紗喇。」仲有司儀口快快，請大家一齊欣賞一對新人的「生前片段」——成長片段，一字之差，變咗白事。 隔住個 mon 睇，係喜劇。但如果下個月企上台嗰個，係你呢？ 近年愈來愈多新人請兄弟姊妹、好朋友擔任婚禮司儀。我的訓練班，亦試過有學生因為就快要幫朋友主持婚宴，特登趕來「急救」。所以這一篇，是寫給被朋友拉落水的你。 一、先講句公道話：親友做司儀，唔係次選 先安心：新人搵你，唔係慳錢，係抬舉你。 親友司儀有一樣專業司儀畀唔到的東西——親切。你見證過他們相識相愛，你講的每一句都有溫度；賓客大多是自己人，氣氛天然就好。 我甚至見過更進取的玩法：有學生索性自己做自己婚宴的司儀——她覺得，冇朋友會比佢哋兩公婆更識講自己的故事。又有一位新娘，親自主持遊戲環節，玩「全場最正嘅男人」——她的兄弟團個個唔係狀元就係金融才子，遊戲層層淘汰，最後全場最正嘅男人，梗係新郎哥。由新娘子主持呢一 part，效果冇人代替到。 所以，唔好怕。親友司儀做得好，係專業司儀都做唔到咁好。...

視像會議、網上講座、直播——我做過幾百場。 有人以為，online 只是把台上的一套搬到鏡頭前。其實就好似舞台劇演員去拍電視——功力還是那份功力，但表達方式要重新調校。做過你就知道，完全是兩回事。最大的分別有兩個：第一，你要望住鏡頭；第二，你冇觀眾——感受不到現場氣氛，冇人給你反應。你最大的「距離感」，就是你同鏡頭、同支咪之間那幾十厘米。 而正正因為隔住個鏡頭，你在對方眼中的「存在感」，每一分都要靠技術換回來。 以下是我幾百場換回來的實戰課——每一件都是今日開會就用得着的。 一、眼神：望鏡頭，不是望畫面 先問一個問題：新聞報道員為什麼要望住鏡頭讀稿？ 因為眼神到，對方才覺得你在跟他說話。 視像會議最常見的問題正在這裏：太多人不習慣望鏡頭，自然地望着畫面裏的人——你以為你在望着對方，但在對方螢幕上，你的視線是望向下方的。 這不是感覺問題，是有研究的。人對「眼神接觸」的感知範圍其實很窄——視覺研究發現，視線偏離鏡頭約四至五度，對方便不再感覺到你在望他。另有 2025 年人機互動研究指出：鏡頭與視線錯位愈大，對方（研究中是面試官）對你產生負面觀感的可能性愈高。...